Pengantar :

“Nah, ini satu lagi. Feminisme memang lahir dari beragam akar dan bentuk. Ada feminisme radikal, marxis, liberal, moderat, atau feminisme yang menyandarkan diri pada hermeunitika keagamaan. Jelas tidak bisa dikatakan bahwa feminisme lahir dari neo-lib. Banyak feminis yang anti-neolib (yakni feminis marxis), demikian pendapat Pengamat Sosial Politik – Indra Piliang. Beliau mengomentari berbagai macam pendapat tentang kemandulan aktivis perempuan – menyikapi moral kaum perempuan yang cenderung mengumbar aurat. Sementara mereka berteriak ketika persoalam gender mengemuka dipermukaan publik. Katakan seperti yang diduga oleh salah seorang anggota Milis Rantaunet yang masih belia yang bernama Anggun Gunawan – Mahasiswa S2 – Fakultas Filsafat UGM. Ia berpendapat seperti ini : ” Yang menjadi pertanyaan penulis adalah kenapa para aktivis perempuan tidak melihat ini sebagai bentuk pelecehan terhadap perempuan. Tidak pernah kita dengar aktivis perempuan melakukan pengkutukan dan perlawanan terhadap kontes-kontes semacam ini (maksudnya kontes Miss Indonesia – Miss Word) dan tetap membiarkan produk pakaian kapitalis dan hedonis terus merasuk meninabobokan perempuan dalam jerat pamer kecantikan dan keindahan tubuh. Mengapa aktivis perempuan tidak melakukan perlawanan terhadap praktek-praktek prostitusi dan pacaran yang akan menjadikan perempuan sebagai pelampiasan seks para pria. Mengapa aktivis perempuan tidak menyerukan penutupan tempat-tempat hiburan yang menjadikan wanita sebagai daya tarik dan objek eksploitasi. Memang mereka tidak akan bersuara untuk itu. Karena mereka bukanlah aktivis perempuan sejati. Mereka hanya menginginkan kepopuleran bukan sebuah perbaikan yang signifikan. Mereka menyalahkan sistem, tapi tak melakukan upaya penyadaran yang serius terhadap perempuan akan harga diri dan martabat mereka. Atau jangan-jangan mereka adalah bagian dari kapitalis itu sendiri yang menjadikan agama sebagai musuh utama, karena agama telah menghambat laju kapitalis dalam meraih keuntungan. Karena agama membuat orang independen dan tidak terpengaruh oleh tendensi ekonomi yang itu sangat dibenci oleh kapitalis. Oleh karena itu, tidak salah kenapa saat seorang alim ulama kenamaan Indonesia melakukan poligami, mereka menyerukan untuk menolak dan mencela pelaku poligami. Sedangkan ketika kontes cantik-cantikan mereka diam seribu bahasa. Akhirnya kita akan mengetahui siapa mereka sebenarnya… Mereka hanyalah aktivis perempuan gadungan… sementara bagaimana aktivis feminisme di Minangkabau dalam imaginasi budaya Wisran Hadi dapat kita simak sebagai perbandingan dalam cerita pendek berikut ini. <a

Dikarang oleh : Wisran Hadi

Dek urang ka Pilkada bulan Oktober bisuak ko, Sabai mambuek inisiatif politik nan hebat.
Manuruik pikirannyo nan jenius tu, ikolah kesempatan mambuek partai baru.
Partai baru ko buliah bisa dijua, untuak dijadikan kendaraan dek urang-urang bakepang nan ingin mancalonan diri manjadi kapalo daerah.
Partai perempuan nan paralu dibuek. Kalau partai perempuan, pasti calon laki-laki labiah suko manjadikannyo kandaraan.
Indak cuma kandaraan politik sajo, tapi juo kandaraan nan labiah hebat pulo lai pado taksi ijau.
Kalebuik Sabai. Meja tampek Sabai manulih kini lah dipagadang.
Di ateh meja tu lah tabukak laptop, komputer canggih nan bisa dilipek-lipek, handphone Komunicator sagadang batu asahan, rokok lua nagari, galeh bakaki tenggi, karateh mangarateh.
Nan badan diri Sabai lah batuka pulo gayanyo kini. Rambuik lah pendek saroman cukua paloka, bacat pulo saroman warna capucino, indak pakai salendang lai, kacomato tagantuang di dado, buah baju tabukak pulo duo tampek mancogoknyo pangka susu..
Kutiko Mangkutak adiaknyo nan suko balayang-layang tu tibo, Sabai langsuang manyandaan badannyo ka kurisi baroda.
“Alhamdulillah, Mang. Kasudahannyo tabantuak juo Partai Kaum Perempuan Peduli Hidup Mandiri. Tujuah hari tujuah malam Ai mamimpin rapek formatur. Ikolah hasilnyo,” kato Sabai sambia manunjuak ka karateh nan baserak di ateh meja.
“Iyo hebat aciak den,” kato Mangkutak kagum ka kakaknyo tu.
“Mudah-mudahan tahun kini kan tahun kebangkitan kaum perempuan. Apo nan alah aciak buek tu adolah sejarah. Sejarah tentang perjuangan kesetaraan,” kato Mangkutak pulo.
“Memang. Ai indak mau gembar gembor. Kesetaraan gender tu harus diperjuangkan sampai titiak darah penghabisan,” kato Sabai sambie mambaka rokok 555.
Sudah tu nyo puta latak laptop, madok ka Mangkutak. “Caliak dek waang Mang.
Iko susunan pengurus partai Ai,” kato Sabai.
Mangkutak mambaco susunan pengurus partai kaum perempuan di layar laptop.
Tapi pancaliak an Mangkutak tagaduah saketek dek gambar padusi pakai bikini nan manggarik-garik manilungkuik, manilantang, manunggiang, manggoyang-goyang ikue di suduik bawah layar laptop tu.
Mangkutak anok sajo, sakali-sakali mancaliak gambar “hot” padusi saroman tu iyo sero juo.
Di layar tu lah tatulih gadang-gadang susunan namo-namo jo jabatannyo sakali.
Itulah kini nan mulai nyo baco dek Mangkutak.
Ketum Sabai Nan Aluih.
Karo Penampilan Amai Puti Galang Banyak “Ketum ko apo aratinyo ciak?” tanyo Mangkutak. “Ketua Umum,’ jawek Sabai.
“Karo?” tanyo Mangkutak pulo.
”Ketua Biro,” jawek Sabai.
“Baa kok pakai Amai sadonyo namo karo tu ciak?” tanyo Mangkutak sasak angok.
“Amai tu kan samo aratinyo jo ibu. Bacolah taruih, nantik ka jaleh diwaang Mang, baa bana potensi partai kami ko,” kato Sabai pulo.
Mangkutak taruih mambulalangi layar monitor laptop tu.
Karo Pengabdian Kepada Ayah; Ibu Amai Siti Baheram, Karo Pemeliharaan Kasih Anak; Amai Puti Lenggo Geni, Karo Pengawasan Apak Paja; Amai Puti Talipuak Layua, Karo urusan tamu-tamu; Amai Siti Kalasun, Karo Perlengkapan; Amai Puti Gondan Gandoriah.
Karo Penyerapan Dana; Amai Basusuak Intan.
Banyak karo-karo nan lain tatulih di sinan.
Indak talok dek Mangkutak mambaco nyo lai doh.
Paniang kapalo Mangkutak mambaco namo karo-karo tu dek banyaknyo.
Kok lah kini pulo karo baagiah namo.
“Karo-karo tu dibantu pulo dek kabau-kabau mah Mang,”
“Kabau?” tanyo Mangkutak.
“Kepala Bagian Umum,” jawek Sabai.
“Takana diden ciak, manga sabanyak tu bana karo jo kabau dalam partai aciak tu?” tanyo Mangkutak sambia maapuih paluah di kaniangnyo.
“Samakin banyak karo jo kabau, akan semakin kuat dan besar partai itu. Baitu manuruik teori politik. Ai kan lah masuak kursus ESQ bagai. Lah hebat aciak waang ko kini mah Mang,” jawek Sabai manapuak dado.
“Tando gambar partainyo alah babuek ciak?” tanyo Mangkutak pulo. Sabai tagagau.
Iyo pulo. Tando gambar partai padusi apo yo? Tamanuang Sabai mamikiekan.
“Tando gambar partai Ai harus menggambarkan perjuangan persamaan gender,” kato Sabai tegas.
“Gender tu aratinyo kelamin, ciak. Persamaan gender tu samo artinyo jo persamaan kelamin. Kok gambar kelamin laki-laki jo kelamin padusi tu dibuek sajajar baa?” usul Mangkutak serius.
“Hantu waang! Manga indak waang usulkan sajo gambar beha atau softex!” hariak Sabai tarabo dek maraso dipalok-olokan.
“Agak hati den, nan sasuai tantu gambar cangkie sadang dikacau sendok,” kato Mangkutak turun janjang.
“Paja bodoh. Indak tantu ma nan proyek, ma idealisme. Indak tantu nan ma nan mangacau dan nan ma nan mangacau,” garutu Sabai samo surang.
(WH)