09
Apr
10

Nasehat bundokanduang – ka gadih gadang


Oleh : Hayatun Nismah Rumzy

Oii Upiak nan alah gadang. Kamarilah upiak malah duduak. Elok-elok juo kito badakek dakek. Eloklah kito ba ampiang ampiang, bia nak tahu dipadeh lado, nak tahu di masin garam, nak dapek paham jo mukasuik. Barundiang sapatah duo patah kato, nak masuak ka hati upiak. Dangaanlah pitaruah bundo. Upiak pacikkan arek arek dan pagang taguah taguah.

Tantangan ilmu urang basuami, pabaiak lakuan, pa elok  taratik. Jikok datang suami dari jauah, sambuiklah jo muko manih, hidangkanlah minum jo makannyo. Paliekkan muko nan janiah. Karajokan jo ati nan suci.  Kok barundiang samo gadang, kalamahannyo usah dibukakkan. Baa akal budi nan elok cako, tutuik dek upiak mati mati –  saangok jan maangok, saangin jan buliah lalu, parik paga dianak kanduang.

Kok bilo inyo datang talambek, kok inyo indak kunjuang pulang, jan lah maupek tantangan itu. Kana lah , kok inyo sadang sansaro, ridha jo saba nan dipaliekkan. Yakinlah Upiak – urang saba kasihan Allah. Kok maraso raso – ado juo nan indak manyanangkan ati, lieklah  katiko inyo sadang suko,  katiko inyo sadang duduak surang. Ajaklah saketek bakucindan, sambia manyingguang jo kiasan.

Ciek lai … bundo katokan. Tantangan makanan jo minumannyo salalu handaknyo sadiokan dek upiak. Sagaleh aie minum paraguak rakungan, sabana manjadi ubek jariah palarai damam. Kok nasi jo samba alah tasaji baiak di ateh dulang atau di meja makan nan batutuik tuduang saji, saraso banalah inyo dianjuang dirumah tanggo.

Kok datang urang mananyoannyo katiko inyo sadang bajalan, bialah baduto upiak saketek – bia indak ado asuang jo pitonah nan ka manimpo. Ba ‘acaro urang dikampuang mangecekkan ” baru turun sabantako – alun jauah lai inyo pai bajalan “.

Kok  upiak nak pai ka pakan – mamintak izinlah dahulu bakeh inyo. Kok upiak naiak bendi – usahlah sabendi jo urang lain nan bukan dunsanak. Jiko sabendi jo urang lain basingguang kain samo kain. Ikolah pantangan urang tuo, mato palingan setan, ati palingan Allah, dek abih gali dek galitiak, hilang malu dek biaso. Kok padusi indak bamalu, jadi cacek saumua hiduik. Bak pintu indak bapasak, mudah rang maliang mamasukinyo. Bak parahu indak ba kamudi, biaso sasek dalam balayia.

Oh upiak sibiran tulang, pagang bana pituah Bundo ko. Buhua dalam kabek pinggang, buruak urang dek lakunyo. Kok roman nan indak dapek diubah – tapi kok laku jo parangai lai dapek ba ubah.

Kok basuo jo urang lain – kok duduak ditangah rami atau didalam alek jamu, caliak nan usah dipatinggi,  mato usah dipa ilia. Pandang sakali lalu sajo, usahlah galak dipabahak.

Lambak nan dari pado itu, sopan dan santun tak babateh, baso jo basi tak bahinggo, bia jo laki awak bana, janlah ilang baso basi. Di pamanih muluik sarato kucindan murah juo handaknyo. Gadangkan junjungan Upiak ditangah rami, muliakan inyo dimuko rapek.

Sakianlah dulu nasihaik bundo ko. Nak bahagia juolah upiak dunia akhirat. Nan manjadi juolah upiak beko ” keluarga sakinah ma waddhan warrahma.Amiien..

Iklan

9 Responses to “Nasehat bundokanduang – ka gadih gadang”


  1. April 9, 2010 pukul 12:51 pm

    Tarimo kasih Evy nan lah man tag tulisan bundo tahun katumba katiko Yessy Elsandra ka mamasuki janjang rumah tanggo. Apo lai sasuai juo jo rang kiniko? Salam bundo untuak anak-anak gadih nan jolong gadang

  2. 2 ~padusi~
    April 10, 2010 pukul 7:42 am

    Bunda… hal sarupo iko bagus kita tuangkan untuk sebuah blog bundokanduang. Sebagai pembelajaran bagi anak anak padusi awak. Yang namonyo nasehat bundo indak akan lakang dek paneh dan indak lapuak dek ujan..

    kabar-kabari jugalah kami Bunda, meski kita berjauahan….

    Wassalam,

  3. Agustus 6, 2010 pukul 1:43 am

    alhamdulillah….baru kini awak tau ado pituah bundo macam iko…..jadi batambah ilmu awak….mokasih banyak yo bundo…^_^

  4. 5 hasymi amir
    Agustus 18, 2010 pukul 9:44 am

    Kami orang minang lama dirantau sangat butuh sentuhan2 semacam ini, sebagai bekal untuk menasehati anak2 kami yang bakal menikah….thanks

  5. Januari 23, 2012 pukul 2:44 pm

    semoga bermanfa’at…. bgi padusi padusi nan alah bakaluargo…

  6. 7 doni
    Maret 10, 2012 pukul 2:14 am

    ass …ww . ambo susun jari nan sapuluah jo sambah kapado bundo kanduang ,kaum padusi jo kaum muslimah nan barado dimano sajo nan maraso diri anak katurunan bundo kanduang.
    Ambo ingin maagiah tau sabuah carito penzaliman,pelanggaran HAM dll tahadok saurang anak gadih kito nan tajadi diranan minang ko jo minta tolong kapado kasadonyo tantang kusuik nan indak dapek kami manyalasaikan.
    Carito tantang saurang gadih minang nan sangaik babudi nbaiak ,baso katuju dengan otak nan sangaik briliant, lulus S1 jo IP tertinggi, lulus spesialis bedah dengan predikaT TERBAIK dan lulus test PNS dengan nilai terbaik pulo. Dan yg utamo nak gadih kito ko adolah satu-satunyo dokter spesialis bedah nan padusi diranah minang ko. Ditampekkan sabagai dosen F Kedokteran Unand ja Staf bag bedah Di RS M Jamil Padang. Tapi apo nan tajadi kini ko….????
    Dek karano takuik tersaingi (pasien perempuan ) dan tidak mau ikuik satu konspirasi para senior ( babuek yg manyalahi sumpah dokter dan hal nan samato mato yg tujuan akhirnyo kepeang ) kini ko anak gadih wak ko hak2 pribadinyo dikebiri. Sebagai dosen indak diagiah mato kulia, di bag bedah RS dicampakkan bahkan kini dikaluakan SK dikaluakann dari barpraktek di rumah sakik dan nan labiah hebatnyo di ma pun nak gadih wakko praktek ( di RS Swasta ) jo kekuatan konspirasi dokter senior bisa dibarantikan bapraktek.
    Kini sang gadih yang dokter spesialis bedah pertamo di ranah minang ko hanyo bisa manangih jo bamanuang mamikiakan nasibnyo tanpa ado nan barani mambelanyo.
    Sairiang jo sambah ambo baliakkan masaalah ko kapado bundo kanduang jo para padusi ranah minang ko .
    Apo nan dapek kito pabuek …? Namo gadihko Dr Tuty Lestari Sp B asli nan ranah batusangka..

  7. 8 Eva Desmira
    Februari 23, 2016 pukul 3:51 am

    terima kasih Bunda atas nasehatnya……..sangat bermanfaat …….


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


Pengunjung

  • 1,032,928 hits

Palanta Minang

adat_dan_budaya_copy

Urang Minang

URANG_MINANG_BARU

Cimbuak

cimbuak

” Istana Kunang – Kunang”

http://hyvny.wordpress.com

KALENDER

April 2010
S S R K J S M
« Mar   Jun »
 1234
567891011
12131415161718
19202122232425
2627282930  

ARSIP

Flickr Photos

Aggregator Blog

KampungBlog.com - Kumpulan Blog-Blog Indonesia

Page Rank

Blog Indonesia

Blog Catalog

Culture Blogs - Blog Catalog Blog Directory

%d blogger menyukai ini: